काठमाडौं। डडेलधुरामा बेपत्ता बालक बोहोराको शव १८ दिनपछी माटोमुनी गाडेको अबस्थामा फेला परेको छ। १८ दिन पहिले १२ पुसदेखि हराइरहेका आलीताल गाउँपालिका–८ डाँडाखर्कका ८ वर्षीय बालक भरत बोहराको शव माटोमुनि गाडेको अवस्थामा फेला परेको हो ।

पुस १२ गतेदेखि घरपरिवारको सम्पर्क बाहीर रहेका उनको परिवारले हराएको भन्दै प्रहरीलाई जानकारी दिएको थिएन। पुस २७ गते स्थानीयले प्रहरीलाई बालक सम्पर्कमा नरहेको बताएकापछि प्रहरीले अनुसन्धान सुरु गरेको थियो ।

अनुसन्धानको क्रममा प्रहरीले शङ्कास्पदस्थल उत्खनन गर्दा बालकको शव फेला पारेको ईलाका प्रहरी कार्यालय जोगबुढाका प्रहरी निरीक्षक गंगादत्त बडुले जानकारी दिनुभयो ।

बालकको घरमा आमा, सौतेनी आमा र एक जना दाइ छन्। बुबा भने रोजगारीका लागि घर बाहिर छन्।घर परिवारबाटै उनको हत्या भएको हुन सक्ने भन्दै प्रहरीले दुवै आमालाई नियन्त्रणमा लिएर अनुसन्धान सुरु गरेको छ।