काठमाडौं । दार्चुलामा तुइनबाट खसेर एक बालक महाकाली नदीमा बेपत्ता भएका छन्। दार्चुलाको व्यास गाउँपालिका–४ डोकटका १० वर्षीय बालक दीपेन्द्र विष्ट महाकाली नदीमा बेपत्ता भएको प्रहरीले जनाएको छ।

नेपालबाट भारत जाने क्रममा डोकटस्थित कौनेणी तुइनबाट महाकाली नदीमा खसेर बालक विष्ट बेपत्ता भएका हुन्।  आफ्नी आमासँग बिहीबार बिहान भारततिर खर काट्न गएका विष्ट तुइनबाट नदीमा खसेको भएपनि व्यास क्षेत्रमा सञ्चार सुविधा नभएका कारण घटनाबारे आज मात्र जानकारी आएको प्रहरीले जनाएको छ ।

उनी ब्रहमस्थान आधारभूत विद्यालयमा कक्षा ४ मा अध्ययनरत रहेको प्रहरीले जनाएको छ ।