२०८३, श्रावण ११ गते
- यो साता चर्चामा :
दिपेश कडरिया, देवचुली । नवलपुरको देवचुली नगरपालिकामा ३४ जनामा कोरोना भाइरस (कोभिड–१९) संक्रमण पुष्टि भएको छ । बुधबार देवचुली नगरपालिकाका १ सय १९ जनाको स्वाब संकलन गरी परीक्षण गरिएकामध्ये एकैपटक ३४ जनामा संक्रमण पुष्टि भएको हो ।
संक्रमितमध्ये २८ जना कन्ट्याक्ट ट्रेसिङ्गका क्रममा पुष्टि भएकाहरु हुन् । नगरपालिका स्वास्थ शाखाले दिएका जानकारी अनुसार संक्रमितहरु देवचुली नगरपालिकाका वडा नम्बर ४, ७, ८, ९, १०, ११ र १४ का ७ महिला र २७ पुरुष छन् ।
यो सँगै देवचुली नगरपालिकामा कोरोना संक्रमितको संख्या १ सय ८ पुगेको छ भने एक जनाको मृत्यु भएको छ । देवचुली जिल्लाकै सबैभन्दा बढी कोरोना प्रभावित पालिका हो ।
