२०८३, श्रावण ११ गते
- यो साता चर्चामा :
काठमाडौं ।भारतले रक्सौल–वीरगन्ज नाका अचानक सिल गरेको छ । भारतको बिहारमा हुन गइरहेको नगरपरिषद अर्थात स्थानिय तहको निर्वाचनका लागि आज अचानक नाका सिल गरेपछि सिमा क्षेत्रमा नेपालीलाई समस्या भएको छ ।
बिहारको रक्सौल नगरपालिकामा आगामी पुस ३ गते डिसेम्बर १८ तारिकमा नगरपरिषद् निर्वाचन हुन लागेको भन्दै भारतीय प्रशासनले अचानक आज दिउँसोदेखि नाका सिल गरेको हो ।
सिमावर्ती नेपाली प्रशासनसँग पूर्वसमन्वय नै नगरी भारतले मितेरी पुलमा नाका सिल गरेपछि वीरगन्ज–रक्सौल आउजाउ गर्ने नेपाली मारमा परेका हुन् ।
पर्साका निमित्त प्रमुख जिल्ला अधिकारी महेश तिमल्सिनाले नाका सिलबारे भारतीय प्रशासनले आफूहरुसँग कुनै पूर्वछलफल र समन्वय नगरेको बताउनुभएको छ । नाका ७२ घण्टाका लागि सिल गरिएको छ।
