२०८३, श्रावण २७ गते
- यो साता चर्चामा :
काठमाडौं । भक्तपुरमा ट्याङ्करले ठक्कर दिँदा एक जना बालकको मृत्यु भएको छ ।
भक्तपुर नगरपालिका २ ब्यासी कासन पुल नजिक ट्याङ्करले आज बिहान १० बजे ठक्कर दिँदा रामेछाप घर भएका ७ वर्षीय बालक बिवेश तामाङको मृत्यु भएको हो ।
झौखेलबाट ब्यासीतर्फ आउँदै गरेको बा ५ ख ९१४२ नम्बरको ट्याङ्करले ठक्कर दिँदा सख्त घाइते भएका थिए। त्यसलगत्तै तामाङको भक्तपुर अस्पतालमा उपचारका क्रममा मृत्यु भएको जिल्ला प्रहरी परिसर भक्तपुरले जनाएको छ ।
प्रहरीले बालकलाई ठक्कर दिने ट्याङकरका चालक कमलबिनायकका सिताराम पक्का नेवारलाई नियन्त्रणमा लिएको छ। घटनाको अनुसन्धान भइरहेको प्रहरीले जनाएको छ ।
