कैलाली । कैलालीमा क्वारेन्टिनबाट घर गएको एक सातापछि एक महिलाको मृत्यु भएको छ । जिल्लाको गोदावरी नगरपालिका १० मा होम क्वारेन्टिनमा बसेकी ४८ बर्सिया महिलाको मृत्यु हो ।

भारतबाट जेठ २६ गते श्रीमानसँगै फर्किएकी उनमा प्यारालाइसिस र रक्तचापको समस्या रहेको गोदावरी नगरपालिकाका मेयर हरिसिंह साउदले बताउनुभएको छ । भारतवाट आएर १४ दिन क्वारेन्टाइनमा बसी उनलाई आरडिटी नेगेटिभ आएपछि घर पठाइएको थियो ।

उनको कोरोना परीक्षणका लागि स्वाब संकलन गरिएको छ र रिर्पाेट आएपछि मात्रै शव व्यवस्थापन गर्ने मेयर साउदले जानकारी दिनुभयो । उनको शव अहिले घरमै राखिएको छ ।