२०८३, श्रावण १० गते
- यो साता चर्चामा :
काठमाडौं । बाग्लुङको ढोरपाटन नगरपालिका–९ बोबाङमा बुधबार राति आएको बाढी–पहिरोमा हराइरहेका २४ मध्ये थप एकजना पुरुषको शव फेला परेको छ ।
उनको सनाखत हुन नसकेको प्रहरी निरीक्षक प्रकाशसिंह भण्डारीले बताउनुभयो ।
प्रहरीले बेपत्ताको खोजी गर्ने क्रममा आज भुजीखोला किनारमा एक पुरुषको शव फेला परेसँगै त्यस बाढी–पहिरोमापरी मृत्यु हुनेको संख्या १४ पुगेको छ ।
पहिरोमा २३ जना अझै हराइरहेका छन् । हराएकामा १५ दिने शिशुदेखि वृद्धसमेत रहेका छन् ।
मृत्यु भएका १४ मध्ये १३ जनाको शव सनाखत भएको छ । एक जनाको शव सनाखत हुन बाँकी छ । हराएकाहरुको खोजी जारी राखेको प्रहरीले जनाएको छ ।
