काठमाडौं । नेत्रविक्रम चन्द‘विप्लव’नेतृत्वको नेकपा केन्द्रीय सदस्य चिरन पुनले काभ्रे घटनामा प्रहरीले नै भिजिलान्ते प्रयोग गरेर बदनाम गरेको टिप्पणी गरेका छन् ।

नेपाल बन्द गराउँदै हिँडेका काभ्रेमा कालिकोट घर भएका २४ वर्षीय पल राउतलाई प्रहरीले भिजिलान्ते प्रयोग गरेर कपडा खोलेर बदनाम गरेको पुनले आरोप लगाए । काभ्रेको बनेपा नगरपालिकाबाट राउत सहित ८ जनालाई प्रहरीले पक्राउ गरेको छ ।

‘हाम्रो पार्टीका उहाँहरू कलाकार टिम हुनुहुन्छ । पूर्वदेखि पश्चिमसम्म सांस्कृतिक कार्यक्रम गर्ने भनेर हिँड्नु भएको थियो’ पुनले भने, ‘प्रहरीले स्थानीय युवाहरूलाई भिजिलान्तेको रूपमा प्रयोग गरेर बदनाम गरियो । यस्तो हुनु दुःखद हो । त्यसको निन्दा गर्दछौ ।’ यस्तै प्रहरीले काठमाडौँ उपत्यकाबाट ८ जना नेता कार्यकर्ता पक्राउ गरेको प्रारम्भिक रिपोर्ट आएको पुनले बताए ।