काठमाडौं । अन्तर्राष्ट्रिय अनलाईन कराते च्याम्पियनसिपमा नेपालका ३ खेलाडीले स्वर्ण पदक जितेका छन् । च्याम्पियनसिपमा सहभागिता जनाएका एभरेस्ट मार्सियल आर्ट्सका ३ खेलाडीले स्वर्ण पदक जितेका हुन् । यस्तै नेपालले ४ रजत र ४ कास्य पदक समेत जितेको छ ।

महिला ९ वर्ष मुनिको कुमुतेमा नेपालकी जुलियाना मोक्तानले स्वर्ण जितिन् । यस्तै महिलाको १७ वर्ष मुनिको कातामा अनुभा मगराती र महिलाकै १२ वर्ष मुनिको कातामा सुबिता गौतमले स्वर्ण जितिन् ।

त्यस्तै १२ वर्ष मुनिको पुरुष कातामा रुद्राक्ष देबकोटा, महिला ९ वर्ष मुनिको कुमुतेमा सुबिता गौतम, १२ वर्ष मुनिको महिला मुकुतेमा प्राथना अग्रवाल र २५ वर्ष मुनिको पुरुष कुमुतेमा जेमिन महर्जनले कास्य जिते ।

प्रतियोगितामा १४ देशका २०० खेलाडीले प्रतिस्पर्धा गरेका थिए ।