काठमाडौं। रुकुम (पूर्व) मा नेपाल प्रहरीको गाडी दुर्घटनामा परेर घाइते भएको दुई प्रहरीलाई हेलिकप्टरमार्फत काठमाडौं ल्याइएको छ ।
रुकुम पुर्वको पुथाउत्तरगंगा गाउँपालिका-११, तल्लोसेरा नजिकै प्रहरीको गाडी दुर्घटनामा परेर गम्भीर घाइते दुई जनालाई हेलिकप्टरबाट काठमाडौं ल्याइएको हो ।
दुर्घटनामा ६ जना सुरक्षाकर्मी घाइते भएका थिए । दुर्घटनामा परी जिल्ला प्रहरी कार्यालयका प्रमुख प्रहरी नायब उपरीक्षक प्रकाश डाँगी, सशस्त्र प्रहरीका प्रहरी नायब उपरीक्षक रवीन्द्र श्रेष्ठसहित ६ जना सुरक्षाकर्मी घाइते भएको रुकुम पूर्वका प्रमुख जिल्ला अधिकारी तुलाराज सुनुवारले बताउनुभयो ।
अनुगमन र अरू कामको सिलसिलामा प्रमुख जिल्ला अधिकारीलगायतको टोली तकसेरा जाने क्रममा लु १ झ ६६० नम्बरको प्रहरीको भ्यान दुर्घटनामा परेको हो । प्रमुख जिल्ला अधिकारीसहितको टोली भने अर्को गाडीमा सवार रहेका थिए ।
सडकदेखी करिब १ सय मिटर तल खसेको भ्यान दुर्घटना हुनुको कारण भने खुलेको छैन ।
