कञ्चनपुरको पुनर्वास नगरपालिका– ११ अमरबस्तीमा चट्याङ लागेर बुधबार राति एक युवकको मृत्यु भएको छ। मृत्यु हुनेमा २७ वर्षीय गणेशबहादुर सिंह रहेको जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक अमरबहादुर थापाले जानकारी दिए।

चट्याङ लागेर घाइते भएपछि युवकलाई उपचारका लागि धनगढी लैजाँदा चिकित्सकले मृत घोषणा गरेका थिए।  उनले भने,‘चट्याङबाट अन्य तीन जना घाइते भएका छन्।

उनकाअनुसार घाइते हुनेमा अमरबस्तीका ३० वर्षीय लालबहादुर बोगटी, १६ वर्षीय भावना भुल र ३७  वर्षीय पशुपति सार्की छन्। उनीहरूको धनगढीमा उपचार भइरहेको  छ। रासस