२०८३, श्रावण २४ गते
- यो साता चर्चामा :
काठमाडौं । पाल्पामा आइतबार साँझ बस दुर्घटनामा परेको छ।
लुम्बिनी प्रदेश ट्राफिक प्रहरी कार्यालय बुटवलका अनुसार गुल्मीबाट बुटवलतर्फ आउँदै गरेको लु १ ख ५९५२ नम्बरको बस पाल्पाको लघुवामा सडकबाट तल खसेको हो।
घटनास्थलमा रहेका रिब्दिकोट गाउँपालिका–२ का वडाध्यक्ष ओमप्रसाद पोखरेलका अनुसार अहिलेसम्म ६ जनाको शव फेला परेको छ।
‘१७ जना घाइतेलाई उद्धार गरी तानसेन पठाएका छौं। गाडीभित्र अरू कति यात्रु छन् भन्ने हेर्दैछौं,’ उहाँले भन्नुभयो।
बस सडकबाट १ सय मिटर तल खसेको र अहिले उद्धारको काम भइरहेको उहाँले जानकारी दिनुभयो ।
मृतक र घाइतेको संख्या अझै बढ्न सक्ने उहाँको भनाइ छ।
दुर्घटना कसरी भयो भन्ने कारण खुलेको छैन।
