काठमाडौं । काठमाडौं उपत्यकामा भदौ ३ गतेबाट जारी निषेधाज्ञा थप एक हप्ता लम्ब्याइएको छ । काठमाडौं, भक्तपुर र ललितपुरका तीन प्रमुख जिल्ला अधिकारी (प्रजिअ)को संयुक्त छलफलपछि पुनः एक साता निषेधाज्ञा थप गरिएको हो ।

यसअघि, ३ भदौ राति १२ बजेदेखि सुरु भएको भएको निषेधाज्ञा आज राति १२ बजे सकिँदै थियो । उपत्यकामा संक्रमण दर बढ्दो अवस्थामा रहेकाले १७ भदौसम्म निषेधाज्ञा थप्ने निर्णय गरिएको काठमाडौंका प्रजिअ जनकराज दाहालले बताउनुभयो ।

सोमबार बसेको उपत्यका नगरपालिका फोरमको बैठकले पनि संक्रमण बढेको निष्कर्ष निकाल्दै १५ भदौसम्म निषेधाज्ञा लम्ब्याउन प्रशासनलाई सिफारिस गर्ने निर्णय गरेको थियो ।