२०८३, श्रावण २४ गते
- यो साता चर्चामा :
काठमाडौं । गोर्खा ब्रोअरी कम्पनीले उत्पादन गरेको म्याद नाघेको गोर्खा क्राप्ट वियर बजारमा बिक्री भइरहेको पाइएको छ । कम्पनीको लापरबाही र होटेलको मिलेमतोमा म्याद नाघेको वियर बिक्री वितरण भइरहेको खुलेको हो ।
मदिरा मानिसको स्वास्थ्यका लागि त्यसैपनि हानिकारक छ, त्यसमाथि म्याद नाघेको रक्सी सेवन गर्दा स्वास्थ्यमा थप जटिलता सिर्जना हुने चिकित्सकहरु बताउँछन् । बेला–बेला विवादमा आइरहने गोर्खा ब्रुअरी कम्पनीले अहिले भने म्याद नाघेको वियर बिक्रिवितरण गरिरहेको खुलेको हो ।
काठमाडौंको सतुंगलस्थित डिजे लञ्चमा गोर्खा क्राप्ट वियर म्याद गुज्रेको अवस्थामा भेटिएका छन् । सेवन गर्ने ग्राहकले करिब ८ वटा बोतल खाइसकेपछि म्याद नाघेको थाहा पाएका थिए । वियरमा म्याद समाप्त हुने अन्तिम मिति सन् ०५/०७/२०२२ लेखिएको छ ।
आजको मिति सन् १६/०७/२०२२ हो । यसरी हेर्दा वियर ११ दिन अगावै म्याद गुज्रिसकेको छ । विभिन्न मदिरा कम्पनीहरुले नाफा मात्रै हेर्ने तर आफ्ना उत्पादनहरुको नियमित चेकजाँज नगर्ने हुनाले धेरै नागरिकले स्वास्थ्य समस्या भोगिरहनु परेको छ ।
बजारका अन्य स्थानबाट पनि गोर्खा क्राप्टको बारेमा गुनासो टिपोट भइरहेकोले नेपाली नेटवर्कले अन्य सामाग्री तयार पारिरहेको छ ।
