काठमाडौं । नारायणगढ–मुग्लिङ सडक खण्ड अवरुद्ध भएको छ । सुख्खा पहिरो खसेपछि सडक खण्ड अवरुद्ध भएको हो ।
इच्छाकामना गाउँपालिका–६ चारकिलोमा बिहान करिब ११ः३५ बजेको समयमा पहिरो खस्दा सडक दुवैतर्फ अवरुद्ध भएको जिल्ला प्रहरी कार्यालय चितवनका प्रवक्ता नरहरि अधिकारीले जानकारी दिनुभयो ।
बाटो खुलाउनका लागि सडक डिभिजनसँगको समन्वयमा इलाका प्रहरी कार्यालय मुग्लिङको नेतृत्वमा प्रहरी टोली खटिएको उहाँले बताउनुभएको छ।
