सर्लाही । सर्लाहीको लालबन्दी नगरपालिकामा आज (बिहिबार) एकै दिन २४ कोरोना संक्रमित थपिएका छन् । २ सय ३८ जनाको स्वाब संकलन गरि राष्ट्रिय जनस्वास्थ्य प्रयोगशाला टेकुमा ल्याएर परीक्षण गर्दा २४ जनामा कोरोना पोजेटिभ देखिएको हो ।

थपिएको २४ जना नै कोरोना संक्रमितहरु समुदायस्तरकै रहेको नगरपालिकाले जनाएको छ । थपिएको २४ जना कोरोना संक्रमितहरु मध्ये १ जना हरिपुर नगरपालिका, र बाँकी २३ जना लालबन्दी नगरपालिकाका हुन् ।

लालबन्दीका २३ जना कोरोना संक्रमितहरुमध्ये १ जना बैंकका कर्मचारी, १ जना नगरपालिकाको कार्यालय सहयोगीलगाायत अधिकांश संक्रमितहरु व्यापारी तथा स्थानीयहरु रहेका छन् ।