२०८३, श्रावण ११ गते
- यो साता चर्चामा :
काठमाडौं । काठमाडौं उपत्यकामा निषेधाज्ञा जारी गरिएपछि काठमाडौं प्रवेश गर्ने मुख्य नाका नागढुंगामा सयौं मालबाहक सवारी साधन रोकिएका छन् ।
गएराति १२ बजेपछि निषेधाज्ञा सुरु भएपछि खाद्यान्न, तरकारी, औषधी, इन्धनलगायत अत्यावश्यक सामग्री बोकेको सवारी साधन मात्र प्रवेश दिइएको छ । तीबाहेक अन्य सामग्री लिएर आएका गाडीहरु भने नागढुंगामै रोकिएका छन् ।
महानगरीय प्रहरी वृत्त थानकोटका डीएसपी घनश्याम श्रेष्ठले अत्यावश्यकबाहेकका अरु सवारी साधनलाई रोकिएको जानकारी दिनुभयो । लत्ता कपडा, सिमेन्ट, प्लास्टिकलगायतका सामग्री बोकेर आएका ट्रकहरु रोकिएका छन् ।
यातायात व्यवसायीले भने गन्तव्यमा हिँडेका ट्रक बाटैमा रोकिँदा समस्या भएको बताएका छन् ।
