काठमाडौं । उपत्यकामा निषेधाज्ञा उल्लंघन गर्दै गुडाइएका ५९४ सवारीसाधनलाई ट्राफिक प्रहरीले नियन्त्रणमा लिएको छ । गएराति देखि उपत्यकाका तीन जिल्लामा कोरोना महामारी नियन्त्रणका लागि निषेधाज्ञा लागू गरिएको छ ।

तीनै जिल्ला काठमाडौं, ललितपुर र भक्तपुरमा आज बिहान निषेधाज्ञा उल्लंघ गर्ने ६९४ सवारीसाधन नियन्त्रणमा लिइएको ट्राफिक प्रहरीले जनाएको छ ।

यस्तै बुधबार मध्यरातिदेखि लागू निषेधाज्ञा उल्लंघन गर्ने ४३५ जना कारबाहीमा परेका छन्। महानगरीय प्रहरी परिसरका प्रवक्ता एसपी सोमेन्द्र सिंह राठौरका अनुसार बिहान साढे १० बजेसम्म ४३५ जना कारबाहीमा परेका हुन्।  अत्यावश्यक काम नपरी सवारीसाधन तथा पैदल सडकमा निस्किएकालाई ठाउँको ठाउँ उभ्याएर कोरोनाबारे जानकारी गराई छाड्ने गरिएको उनले बताए।