काठमाडौं । काठमाडौंमा एक युवक मृत भेटिएका छन्।
बाजुरा बुढीगंगा गाउँपालिका-९ घर भई कोटेश्वर बस्दै आएका २२ वर्षीय धर्म शाही मृत भेटिएको प्रहरीले जनाएको छ।
प्रहरीका अनुसार बिहीबार कागेश्वरी मनोहरा नगरपालिका-६ मूलपानी लक्ष्मीनारायण मन्दिर पछाडि शाही मृतक भेटिएका हुन्।
प्रहरीका अनुसार शाही काँडाघारीस्थित मोटरसाइकल वर्कसपमा कार्यरत थिए।
प्रहरीले पोस्टमर्टमका लागि शव पाटन अस्पताल पठाएको जनाएको छ। घटनाबारे थप अनुसन्धान भइरहेको प्रहरीले जनाएको छ।
