काठमाडौं । पहिरो पुरिएर कालीकोटमा चारजना बेपत्ता भएका छन् । नरहरीनाथ गाउँपालिका – ५ रुप्सामा गएराति आएको पहिरोमा परी चारजना बेपत्ता भएका हुन् ।

तुले सहकारी र धने सहकारीको रुप्सा लेकमा रहेको गोठ गएराति पहिरोले बगाउँदा चारजना बेपत्ता भएको कर्णाली प्रदेश प्रहरी कार्यालय, सुर्खेतका प्रवक्ता एसएसपी राजेशनाथ बाँस्तोलाले जानकारी दिनुभयो ।

पहिरोमा परी बेपत्ता हुनेमा ६० वर्षीय चन्द्र सहकारी, २९ वर्षीया पम्फादेबी सहकारी, ३० वर्षीया मिरा सहकारी र ९ वर्षीय रमित सहकारी रहेका छन् ।

बेपत्ताहरुको खोजी कार्य भइरहेको एसएसपी बास्तोलाले जानकारी दिनुभयो ।