२०८३, श्रावण २४ गते
- यो साता चर्चामा :
काठमाडौं । मौसमका कारणले बढि जहाज दुर्घटना हुने पाइलट केबी लिम्बुले बताउनुभयो ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै उहाँले प्रि–मनसुनमा मौसम चाँडोचाँडो फेरबदल हुने र प्रकृतिसँग कोहि पनि लड्न नसक्ने भएकाले मौसम खराव हुँदा सुरक्षित भएर उडान भर्नुपर्ने उहाँको भनाइ छ ।
यस्तै पाइलट लिम्बुले पोखरा–जोखसोम रुटको मौसम जोखिमपूर्ण भइरहने भएकाले उडान दिनमा ३ वटा र बिहान १० बजेसम्म मात्रै गर्दा दुर्घटनाबाट बच्न सकिने बताउनुभएको छ ।
पोखरा–जोमसोम फ्लाइट निगरानीका साथ उडान भर्नुपर्ने उहाँको भनाइ छ । नेपाल नागरिक उड्डयन प्राधिकरणले अब प्रस्थान गर्ने विमानस्थल, पुग्नुपर्ने विमानस्थलसहित ‘इनरुट’को मौसम सफा नभएसम्म जहाजहरुलाई उडान अनुमति नदिने निर्णय गरेको छ ।
यसै सन्दर्भमा पाइलट लिम्बुले नितिनियम राम्रा बन्ने तर कार्यान्वयन र अनुगमन त्यहि अनुसार नहुने भएकाले पनि जोखिमकाबीच उडान भर्नुपर्ने बाध्यात्मक अवस्था आएको गुनासो गर्नुभयो ।
