काठमाडौं । पोखराबाट जोमसोम जाने क्रममा आइतबारदेखि बेपत्ता भएको तारा एयरको विमान भेटिएको स्थलमा प्रहरी र सेनाको टोली पुगेको छ। हेलिकप्टरमार्फत सुरक्षाकर्मीको टोली घटनास्थलमा पुगेको हो ।

यार्सा टिप्न पुगेको टोलीले विमान देखेपछि फोटोसहित सुरक्षाकर्मीलाई खबर गरेका थिए। लगत्तै, नेपाल प्रहरी, सेना लगायतको टोली त्यहाँ पुगेको हो ।

मुस्ताङको थासाङ गाउँपालिका–२ स्थित धौलागिरी हिमशृङखलाको फेदमा विमान भेटिएको खबर यार्सा टिप्न जानेहरुले सुरक्षाकर्मीलाई गराएका थिए। अहिले त्यहाँ छरिएर रहेका शवहरु संकलनको काम जारी छ।

हाजमा २ विदेशी, ४ भारतीय र १३ नेपाली यात्रु सवार थिए । जहाजमा चालक दलका ३ सदस्य पनि थिए । जहाजलाई क्याप्टेन प्रभाकरप्रसाद घिमिरेले उडाएका थिए । को पाइलट उत्सव पोख्रेल र विमान परिचारिका किस्मी थापा थिइन् ।