काठमाडौं । आइतबारदेखि हराइरहेको को जहाजको खोजी कार्य आज बिहानैबाट सुरु भएको छ । मुस्ताङका प्रमुख जिल्ला अधिकारी नेत्र प्रसाद शर्माका अनुसार मानापाथी हिमाल र निलगिरि हिमाल तर्फ खोजी केन्द्रित गरिएको छ ।

आइतबार बिहान पोखराबाट मुस्ताङको जोमसोमका लागि उडेको तारा एयरको ट्वीनअटर जहाज सम्पर्कविहीन भएको छ । सो जहाजमा चालक दलका ३ सदस्यसहित २२ जना सवार छन् । हिजो दिनभर खोजी गरिए पनि नभेटिएपछि स्थगित गरिएको थियो । आज बिहान ५ बजेदेखि फेरि खोजी कार्य सुरु गरिएको हो ।

यद्यपि मौसम प्रतिकूल भएकाले खोज्न कठिन भएको प्रमुख जिल्ला अधिकारी शर्माले बताउनुभएको छ ।