नेपालको राष्ट्रिय झण्डा जलाएर म्युजिक भिडियो सुट गर्ने समूहका एक जनालाई प्रहरीले पक्राउ गरेको छ । देशद्रोही’ शीर्षकको विवादास्पद भिडियो बनाउने समूहका इशाक लिम्बूलाई पक्राउ गरिएको हो ।

ललितपुरको नखिपोट घर भएका इशाकले सो भिडियोमा क्यामरापर्सनको भूमिका निभाएका थिए । सो समूहका अन्य चारजना फरार रहेको र उनीहरुको खोजी भइरहेको महानगरीय अपराध महाशाखाका एसएसपी दीपक थापाले जानकारी दिनुभयो ।

मकवानपुरमा सुट गरिएको सो म्यूजिक भिडियो सोमबार ‘मंगोल हप अफिसियल’ नामक युट्युव च्यानलबाट अपलोड गरिएको थियो ।

नेपालको झण्डा जलाएको दृश्य समावेश गरिएको सो भिडियोबारे सामाजिक सञ्जालमा चर्को विरोध भएको छ ।