काठमाडौँ । नेकपा एमालेका निलम्बित सांसद मोहन बानियाँका छोरा अर्पण बानियाँ पेस्तोलसहित पक्राउ परेका छन् ।

अर्पणलाई मुगुमा मंगलबार पेस्तोलसहित पक्राउ गरिएको जिल्ला प्रहरी कार्यालय मुगुका प्रहरी प्रमुख, डीएसपी सुवास हमालले जानकारी दिनुभयो ।

गोलीबिनाको कटुवा पेस्तोलसहित उनलाई पक्राउ गरिएको हो । पक्राउ गरिएका अर्पणलाई सदरमुकाम ल्याइँदै गरेको डीएसपी हमालले जानकारी दिनुभयो ।

मुगुको खत्याड गाउँपालिका–७ स्थित मतगणना स्थल बाहिर माझचौरीबाट उनलाई पक्राउ गरिएको थियो । उनी किन पेस्तोल लिएर त्यहाँ पुगे भन्नेबारे अहिलेसम्म केही खुलेको छैन ।