२०८३, श्रावण ११ गते
- यो साता चर्चामा :
सिन्धुपाल्चाेक । सिन्धुपाल्चाेककाे जुगल गाउँपालिका-२ लिदीमा पहिराेमा पुरिएर ३८ जना बेपत्ता भएका छन् ।
आज बिहान करिब ६ बजेतिर पहिरो जाँदा एकै परिवारका ६ सहित ३८ जना बेपत्ता भएका हुन् । क्षतिकाे यकिन विवरण भने आउन बाँकी छ । अहिलेसम्म ४ जनाकाे शव भेटिएकाे छ । ८ जना घाइतेकाे उद्धार गरिएकाे छ ।
प्रतिनिधिसभाका सभामुख अग्निप्रसाद सापकोटा पनि नेपाली सेनाको हेलिकप्टरमार्फत् घटनास्थलकाे अवस्था बुझ्न लिदी पुगेका छन् । झिर्कु बेसक्याम्पबाट नेपाली सेनाको टोली उद्धारका लागि घटनास्थल पुगेको हाे ।
लिदीबाट पहिलो चरणमा चार सिकिस्त घाइतेलाई हेलिकोप्टरमार्फत उपचारका लागि काठमाडौँ पठाइएको छ । अन्यको उद्धार जारी रहेको जुगल गाउँपालिका अध्यक्ष होमनारायण श्रेष्ठले बताएका छन् । रेडक्रस पनि राहत सामग्री लिएर घटनास्थल पुगेकाे छ ।
