काठमाडौँ । प्रजातन्त्रवादी प्राध्यापक सङ्घ नेपालको महाधिवेशन आगामी चैतमा काठमाडौँमा हुने भएको छ । काठमाडौमा बसेको सङ्घको केन्द्रीय समितिको बैठकले चैत ११ र १२ गते महाधिवेशन गर्ने निणर्य गरेको हो ।

सङ्घका सचिव तथा सहप्राध्यापक डा। विष्णु पोख्रेलका अनुसार क्याम्पस एकाइ अधिवेशन फाल्गुन मसान्तभित्र सम्पन्न गर्ने कार्यतालिका बनाइएको छ । त्यसैगरी चैत्र ५ गतेभित्र महाधिवेशन प्रतिनिधि, एकाइ समितिको नामावली, साधारण सदस्यको रसिद सहितको नामावली र शुल्क केन्द्रीय कार्यालयमा पठाउनु पर्ने उहाँले जानकारी दिनुभयो ।

पटक पटक स्थगित हुदै सर्दै आइरहेको महाधिवेशन अहिले भने हुने सुनिश्चित भएको छ । महाधिवेशन विधानको तोकिएको समयावधिभन्दा दुई बर्ष ढिला हुन लागेको हो । महाधिवेशनले आगामी तीन बर्षका लागि नयाँ नेतृत्व समेत चयन गर्नेछ ।