कैलाली । कैलालीका एक वडा कार्यालयका सचिव बलात्कारको आरोपमा पक्राउ परेका छन् । भजनी नगरपालिका–४ का वडा सचिव ुमन कुमार चौधरीलाई बलात्कार गरेको आरोपमा प्रहरीले नियन्त्रणमा लिएको हो ।

भजनीकै एक महिलाले आफूलाई वडासचिव चौधरीले बलात्कार गरेको आरोप लगाउँदै जिल्ला प्रहरी कार्यालय कैलालीमा उजुरी दिएपछि उनलाई नियन्त्रणमा लिएको जिल्ला प्रहरी कार्यालयका प्रहरी निरीक्षक हिक्मत थापाले जानकारी दिनुभयो ।

पीडितको उजुरीपछि आज वडा सचिव चौधरीलाई पक्राउ गरिएको प्रहरी निरिक्षक थापाले बताउनुभयो ।