काठमाडौँ । त्रिभुवन अन्तर्राष्ट्रिय विमानस्थलबाट दुई किलो सुनसहित दुई जना पक्राउ परेका छन् । तरल बनाएर प्याकिङ गरिएको अवस्थामा दुई किलो सुन बरामद भएको विमानस्थल प्रहरीका प्रमुख एसएसपी राजेशनाथ बाँस्तोलाले जानकारी दिए ।

त्यसलाई थप जाँचका लागि पठाइएको उनले बताए । बास्तोलाका अनुसार उक्त घटनामा दुई जना पक्राउ परेका छन् । पक्राउ पर्नेहरुमा दाङका सीताराम चौधरी र सिरहाका सरोज सहानी छन् ।

दुबईबाट आएको नेपाल एयरलाइन्सको फ्लाइटमा उक्त सुन भित्रिएको थियो । उनीहरूले भित्री वस्त्रमा फल्स बटम बनाएर नेपाल एयरलाइन्सको जाहजमा चढेर सुन ल्याएको प्रहरीको भनाइ छ ।