२०८३, श्रावण २२ गते
- यो साता चर्चामा :
काठमाडौँ । मुगुको गमगढी बजारमा आगलागी हुँदा २१ घर जलेर नष्ट भएको छ । गएराति पुरानो गमगढी बजारमा आगलागी हुँदा २१ घर पूर्ण रुपमा नष्ट भएको मुगुका प्रमुख जिल्ला अधिकारी रोमबहादुर महतले बताउनुभयो ।
राराछायानाथ नगरपालिका–१ गमगढी बजारमा आगलागी भएको हो । नेपाली सेना, सशस्त्र प्रहरी, नेपाल प्रहरी तथा स्थानीय बासिन्दाको सहयोगमा आगो नियन्त्रणमा दिइएको उहाँले जानकारी दिनुभयो । रातिको समय र जोडिएका घर रहेको बस्ती भएकोले बढी क्षति भएको उहाँले बताउनुभयो ।
आगलागीबाट ती घरमा भएका सम्पूर्ण सामग्री जलेर नष्ट भएको छ । आगलागीबाट कुनै मानवीय क्षति भने नभएको प्रजिअ महतले बताउनुभयो ।
