काठमाडौँ । आज देशको पहाडी भू–भागमा आंशिक बदली र बाँकी भू–भागमा मौसम सामान्यतया सफा रहने छ । मौसम पूर्वानुमान महाशाखाका अनुसार बिहान देशका पहाडी भू–भागहरुमा आंशिक बदली रही बाँकि भू–भागको मौसम सामान्यतया सफा रहेको छ ।

हाल नेपालमा कुनै उल्लेखनीय मौसमी प्रणाली नरहेको महाशाखाले जनाएको छ । आज राति पनि दिउँसोको जस्तै मौसमी प्रणाली रहेर पहाडी भू–भागमा आंशिक बदली तथा अन्य क्षेत्रमा मौसम सामान्यतया सफा महाशाखाले जारी गरेको सूचनामा उल्लेख छ ।

वायुको अधिकतम र न्यूनतम तापक्रम घट्ने क्रममा रहेकोले चिसोबाट बच्न सामान्य सतर्कता अपनाउन मौसमविद्ले अनुरोध गरेका छन् ।